Monday, June 4, 2018

රජු වෙන්වෙන් ජීවිතය පූජා කළ නිලමේවරයෙක් - අලුවිහාරේ රාළ

රජු වෙන්වෙන් ජීවිතය පූජා කළ නිලමේවරයෙක් - අලුවිහාරේ රාළ

මෙයට පෙර මෙම බ්ලොග් අඩවියේ ලිපියකින් දෙවන රාජසිංහ රජුට එරහිව නිල්ලඹදි ඇතිවු කැරැල්ලක් සහ එහි ප්‍රමුඛත්වය ගත් අඹන්වල රටේ රාළ ගැන සදහන් කරන ලදි. එම කැරැල්ලේ දි  රජුට පාක්ෂික නිලමේ වරයෙක් රජු වෙන්වෙන් ජීවිතය පූජා කළ අතර ඔහු නමින් අලුවිහාරේ රාළ යි.

අලුවිහාරේ යන නාමය අපට නුහුරු නාමයක් නොවේ. වලගම්බා රජ සමයේදි ත්‍රිපිටකය මාතලේ අලු ලෙනේ දි ග්‍රන්ථාරූඪ කළ බව වංස කථාවේ සදහන් වේ. එසේම ශ්‍රි ලංකා දේශපාලන ක්ෂේත්‍රයේ ද පාර්ලිමෙන්තුව නියෝජනය කළ සහ පළාත් මහ අමාත්‍යධුර දැරු අලුවිහාරේවරුන් පිළිබදවත් අසන්නට ලැබේ. ශ්‍රි ලංකා පොලිස් දෙපාර්තමේන්තුවේ ප්‍රථම ශ්‍රි ලාංකික පොලිස්පතිවරයා වූයේ ද අලුවිහාරේවරයෙකි. නමුත් මෙම ලිපිය මගින් මතු දැක්වු අලුවිහාරේවරුන් පිළිබදව නොව දෙවන රාජසිංහ රජු දවස උඩරට රජුනට රාජපාක්ෂිකභාවය නිසාම දිවි දුන් අලුවිහාර පරපුරේ ආදිතමයකු පිළිබදව වේ.
ඉගුරු දීලා මිරිස් ගත්තා වගෙයි යනුවෙන් ප්‍රස්ථාව පිරුළක් ව්‍යවහාරයට එක්වන්නේ දෙවන රාජසිංහ රජුගේ දවස තුලදී ය.

Tuesday, May 1, 2018

මොකක්ද මේ ඔටිසම් කියන්නේ - AUTISM

ඔටිසම් පිළිබදව ලෝකය දැනුවත් කිරීමේ දිනය අප්‍රේල් 02 නි දා ට යෙදි තිබේ. ඒ වෙනුවෙන්  ඔටිසම් පිළිබදව කෙටි හැදින්වීමක් 

කුඩා දරුවෙකු ඉපදුනු පසු පරිසරයේ සිදුවන බොහෝ දේ අනුව එම දරුවා ඉගෙනීම සිදු කරයි. ඒ ඔස්සේ දරුවාගේ මොළයේ සංවර්ධන සිදුවන අතර විවිධ අවධි කිහිපයකදි  එම සංවර්ධන කාර්යය හදුනා ගැනීමට හැකියාවක් ලැබේ. අදාල කාලයේදි එම අවස්ථාවන් නිසි පරිදි සිදුවීම මොළයේ වර්ධනයට හා ක්‍රියාකාරිත්වයට බලපානු ලබන්නේ ය. මෙම ක්‍රියාකාරකම් අතර භාෂාව සහ සන්නිවේදනය මෙන්ම සමාජශීලි වීම වැනි ක්‍රියාකාරකම් නිසි ලෙස සිදු නොවීම  මගින් එම දරුවා හුදකලා තත්ත්වයකට පත් කරනු ලබයි. මේ තත්ත්වය ඔටිසම් AUTISM ලෙස හදුන්වනු ලබයි.




මෙය දරුවකුගේ මොළයේ අසාමාන්‍ය වර්ධන විලාශයකි. කුඩා කාලයේදි හට ගන්නා මෙම තත්ත්වය තරුණවිය දක්වා පැවතිය හැකිය. සමාජයේ අන්‍යෝන්‍ය ක්‍රියාවන් හා අදහස් හුවමාරු කරගැනීම් සිදු නොකරන අතර තනිව වාසය කිරීමට හෝ හුදකලාවීමට කැමැත්තක් දක්වයි. මෙම ඔටිසම් තත්ත්වයට ජාන සහ පරිසරික තත්ත්වයන්ගේ අන්තර්ක්‍රියා බලපාන බවද සදහන් කරයි.

Tuesday, April 10, 2018

දැක්කොත් පද්මාවති ආලේ නොකරා බැරි


දැක්කොත් පද්මාවති ආලේ නොකරා බැරි යන ගීතයේ මුල් පද පේලි දෙක ඇසෙත්ම සිහියට නැගෙනුයේ චාල්ස්ඩයස් ශුරින්ගේ පද්මාවති නූර්තියයි. පද්මාවති නූර්තිය පිළිබද අසා නොමැති තැනැත්තෙකුට වුවද පද්මාවති යන නම ඇසු සැනින් සිහියට නැගෙන්නේ සංජය ලීලා බන්සාලිගේ පද්මාවති චිත්‍රපටයයි.

මෙම කතා දෙකෙහිම කියවෙන පද්මාවතිය නම් එකම තැනැත්තියකි. එසේ නම් කවු ද මේ පද්මාවතිය ?

Tuesday, April 3, 2018

ලන්දේ උකුල උඩ නින්ද ගිහින් හිටි එරබදු ඇහැ ඇරිලා.



            සිංහල නක්ෂත්‍රයට අනුව සූර්යයා මීන රාශියෙන් මේෂ රාශියට සංක්‍රමණය වීමෙන් නව වසර උදා වෙයි. කෘෂිකාර්මික රටක්වන ශ්‍රි ලංකාවේ අස්වනු නෙලීමේ කාලයේ අවසානය සනිටුහන් කරන්නේ ද මෙම කාලයේදිය. සිංහලයාගේ මහා සංස්කෘතික මංගල්‍යය හෙවත් සිංහල අලුත් අවුරුද්ද උදාවනුයේද මේ සමගින් ය. ඒ දවස ගැමියා අලුත් අවුරුද්ද උදාවන බව එදවස නම් දැනගත්තේ සොබා දහමේ පණිවිඩය කියවා බලා ය.
            අලුත් අවුරුදු සමය එළෙඹෙන බව පළමුවෙන් අපට දැනුම් දෙනුයේ සොබා දහමයි. වසන්ත කාලය උදාවීමත් සමග ගහකොළ අතුරිකිලි ලියලමින් පරිසරයට කිසියම් නැවුම් බවක් එක් කරනු ලබයි.  ගස්වල කොළ දළු මල්බර වී, ඵල බරවී තිබෙනු දැකිය හැකි වේ. ගිරා, මලිති, බටිති, පක්ෂි සමූහයා නිතර දෙවෙලෙ ගහ කොළ වන පෙතේ සැරිසරයි. කඩින් කඩ ඇසෙන කොවුල් නාදය අවුරුදු කුමරාට කෙරෙන ආරාධනයක් වැනිය. රතු පැහැ මලින් බබලන එරබදු ගස් පරිසරයට එක් කරනුයේ චමත්කාරයකි. සොබාදහමේ නැවුම් පිබිදීම සමගින් සිංහල අලුත් අවුරුදු සමය උදාවු බව ගැමියා දැන ගන්නේ එලසින් ය.
            සොබා දහමේ අපුර්ත්වය කැටි කොට අවුරුදු සිරියේ චමත්කාරය ගැන කියවෙන පහත ගීතය මේ අසන අපට පරිසරයේ මෙම වෙනස්වීම සවිඥානිකව මනසේ මැවේ.

Thursday, March 29, 2018

ගම්පොල රාජධානියේ විසු ප්‍රභු පරපුරවල් - 01 ලිපිය


සේනාලංකාධිකාර පරපුර
            ගඟසිරිපුර හෙවත් ගම්පොල රාජධානි කේන්ද්‍රය පැවති සමයේ රජුන්ට වැඩ ඉදිරියට පැමිණ කැපි පෙනෙනුයේ රාජ්‍ය සභාවේ සිටි දේශපාලන අධිකාරි බලය හිමි ප්‍රභු පරපුරවල්වල ප්‍රධානින්ය. එයින් එක් පරපුරක් ලෙස සේනාලංකාධිකාර පරපුර හැදිනිය හැකි වේ. ගම්පොල රාජධානියේ ආරම්භය සහ එහි බලය පිහිටුවා රාජධානි කේන්ද්‍රයක් ස්ථාපිත කිරීමට පුරෝගාමියා වුයේ සේනාලංකාධිකාරයන් ය.

Friday, January 25, 2013

අඹන්වල රාළ



අඹන්වල රාළ
අඹන්වල රාළ වු කලි දෙවැනි රාජසිංහ රජුගේ කාලයේ සිටි උඩරට ජන ප්‍රධානියෙකි. මොහු කවියෙකු හැටියට ද ප්‍රසිද්ධව සිටි බව කියනු ලැබේ. 1664 නිල්ලඹ නුවර දි රජුට විරුද්ධව හට ගත් කැරැල්ලේ නායකයාද මොහු වේ.

අතපත්තු හමුදාව.



අතපත්තු සේවය මෙරට ආරම්භ වුයේ කවර දාක ද යන්න නිශ්චිතව කිව නොහැකි වේ. ක්වේරෝස්, රෝබෙයිරෝ හා කූටෝ ආදි ප්‍රතිකාල් ඉතිහාසඥයින් කෝට්ටේ යුගය සම්බන්ධයෙන් අතපත්තුව හා අතපත්තු නිලධාරින් ගැන තම කෘතියේ සදහන් කරත් කෝට්ටේ යුගයට පෙර ලියන ලද ග්‍රන්ථයක  අතපත්තුව ගැන හෝ අතපත්තු නිලධාරින් ගැන සදහනක් වී ඇති බවක් නොපෙනේ. සීතාවක සමයට අයත් මායදුන්නේ රජුගේ අතපත්තු හමුදාවක් ගැන හා සීතාවක රාජසිංහ රජුගේ හමුදාවක් ගැනත් ක්වේරෝස්ගේ ලංකාවිජය නැමති ග්‍රන්ථයේ සදහන් වේ. කෝට්ටේ යුගය හරියදි ආරම්භවී යැයි සැළකිය හැකි අතපත්තු සේවය මහනුවර යුගය අවසානය දක්වාම පැවති බව මහනුවර රාජ්‍යයේ ආණ්ඩුක්‍රමය පිළිබදව ලියවුණු ඩොයිලිගේ විස්තරයෙන් පෙනේ. අතපත්තුව පිළිබද සේවා සංවිධානය හැදින්වුණේ අතපත්තු වසම නමින් ය. ඊට අයත් වුවෝ ඒ ඒ දිසාවේ හෝ  රටේ වැදගත් අයයි. සෑම කෝරළයකම අතපත්තු වසමක් වු බව ඩොයිලි සදහන් කරයි. කෝරළේ අතපත්තුවක ප්‍රධානියා හැදින්වුයේ අතපත්තු ලේකම් නමින් ය. අතපත්තු ලේකම් යන්න බෙහෙවින් ම ව්‍යවහාර වුයේ උඩරට පෙදෙස්වල බවත් ඒ නිලධාරියා පහතරට පෙදෙස්වලදි අතපත්තු මුදලි යනුවෙන්ද හැදින්වු බවත් ඇතමුන්ගේ පිළීගැනීමයි.අතපත්තු මුදලි යනු මුදියන්සේ වෙනුවට ඇතැම් පළාත්වල පැවති ව්‍යවහාරයක් බව පෙනේ.

Tuesday, January 1, 2013

උඩරට රජුගේ කොඩිතුවක්කු හමුදාව


කොඩිතුවක්කු හමුදාව
        පරංගි සහ ලන්දේසි යුගයන්හිදි රෝද පිට සවි කළ කුඩා කාලතුවක්කු කොඩිතුවක්කු ලෙස හැදින්විය. අන් හැම තුවක්කු විශේෂයකට වඩා මේවා ප්‍රයෝජනවත් විය. මහත් රෞද්‍ර හඩක් පිට කරමින් වෙඩි තැබීමට උපකාර වු හෙයින් විශේෂණයක් වශයෙන් රෞද්‍ර යන අර්ථය ඇති කොඩි යන දෙමළ වචනය මුලට යොදා එම තුවක්කු විශේෂය හැදින් වූහ.  ගන්ජල නමින් හැදින්වුණ තුන්පා ධාරකයක් හෙවත් මුක්කාලියක් මත තබා වෙඩි තබන ලදි. යුද්ධයේදි බොහෝ කොට උපයෝගි වුයේ කොඩිතුවක්කු වු හෙයින් රජුගේ තුවක්කු හමුදාව කොඩිතුවක්කු හමුදාව ලෙසින් ප්‍රසිද්ධියට පත් විය.

රජු වෙන්වෙන් ජීවිතය පූජා කළ නිලමේවරයෙක් - අලුවිහාරේ රාළ

රජු වෙන්වෙන් ජීවිතය පූජා කළ නිලමේවරයෙක් - අලුවිහාරේ රාළ මෙයට පෙර මෙම බ්ලොග් අඩවියේ ලිපියකින් දෙවන රාජසිංහ රජුට එරහිව නිල්ලඹදි ඇතිවු කැර...